今日 11:53

【輪證贏家】恒指牛撲街貨

噚日揀咗隻恒指牛(68918)出嚟，本以為26000點會企得到，可以再殺熊證街貨，但11點後見指過唔到小時圖嘅100/150線，(68918)變返用5分鐘圖嘅Slow STC(14.3)做Swing Trade一趟。

喺大約下半場1點20分見Slow STC(14.3)兩線落到超賣位，及至1點55分後確認Slow STC(14.3)觸底上行至離開超賣位，呢段時間(68918)都可以落場。

還好喺2點尾嘅時侯見到Slow STC(14.3)兩線上到80以上超買位，但企喺上面嘅時間唔算耐，嚴守策略見超買位走貨嘅話，呢一趟平均都有8格或19.75%正數收工。

如果呢隻貨你過咗夜嘅話，今朝仲可以食多155點開市裂口；但如果係吉倉嘅話，就要比少少耐性啦，因為到依家9點41分，作戰室都仲未掟出第一注貨，即使係有個傾向出嚟都好，都仲未貿然出倉，梗係啦，方向未明叫你出注嘅嗰種叫做賭博。

換個小時圖出嚟見噚日小時圖100/150線正正係噚日朝早見指數上到呢兩條線後出阻力，Day Trade比返淡倉向下回落。但今日指數一開市就爬返上線上，所以都拎返呢條線出嚟，指數企得穩嘅話就出好倉，因為諗住順街貨方向打上去，兼借埋小時圖嘅保歷加通道口拓闊，同埋Slow STC(14.3)兩線保持策上走勢。

如果你仲有噚日隻(68918)嘅話，今日睇返佢個條款已經變得無噚日咁吸引，因為指數上行令佢同現價嘅距離遠咗(有約500點距離)，係安全咗但「代價」係槓桿低咗(約41.5倍)。

所以可以考慮將隻(68918)出風箏策略，保盈利留尾巴放飛；或索性收割咗隻(68918)，換碼用(69691)，收回價25838點，同現價有約320點距離，槓桿有約56.9倍。

26200點做下方量度線咬緊啲嚟博佢上Day Trade啱用，但如果到出文後再睇完，見Slow STC(14.3)開始觸頂向下，或者陰陽燭有出現高位轉向嘅訊號的話，咁就用隻(69691)做五分鐘嘅普通Swing Trade算啦。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。