昨日 12:04

【輪證贏家】信達牛貪心見「紅底」

噚日等市比方向等到10點幾石見指數企住5分鐘圖10線上，畫住小時圖啲頂線位好倉掟出睇位收工，咁就完咗個上半場。

喺呢度就無睇到指數，事關出文都不能太晏啦，所以就執咗隻信達生物(01801)出嚟，都有少少驚佢會中染藍詛咒架，只係見佢日線圖上企返住10/20/50/100線四線位，先決定掟隻好倉出去試下。

信達牛熊證係有嘅，雖然隻數唔多，但條款都已經好好揀，最後揀咗隻信達牛(63999)出嚟，無Mark低捉邊個位入，就當沿用一貫5分鐘圖嘅Slow STC(14.3)落到超賣位捉觸底上行嘅方法嚟摺隻(63999)出去。只可惜噚日下半場大市於26000點遇阻，信達股價一沉不起...

如果你隻(63999)堅守到今日嘅話，咁就真係守得雲開，見裂口高走，小時圖仲借埋10線出「錘頭」踩住上，仲唔可喜可賀?!

至於恒指方面，坦白講呢兩日都係大裂口推高之後，喺頭嗰大半個鐘都係定於高位，等最近嘅5分鐘圖10線上到嚟之後先至借/唔借線上。

今日似乎都係一樣，依家10點8分見指數高走到261樓上，將第一層螺證街貨全數收回後，重新有見向下回落，呢個時間亦終於同5分鐘圖嘅10線相遇。

明日期結，呢個星期指數都係一步到位之後小幅走動，又開始多線位喺度。或者都係專心搞隻信達牛好過，如果你過夜噚日隻(63999)嘅夜到依家，甚至今日先走嚟追博信達再來「紅底」的話。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。