昨日 11:45

【輪證贏家】新貴藍籌 信達牛企好50天線

噚日揀咗隻恒指熊(56208)出嚟，出文時見指數都仲係喺五分鐘圖100+小時圖開市裂口+小時圖10線以下，諗住線位到唔過就出啦；但出完文之後指數已經出現「大陽燭」抽高晒。好彩阿市係出「大陽燭」抽高，如果係陰啲陰啲嘅話，嘿~ 注淡倉真係變咗溫水煮蛙；再到下半場更加係開大火，煮到上25700樓上。

今朝如常8點半喺作戰室同戰友們先睇咗個牛熊證街貨圖，同噚日一樣都係啲街貨側重晒喺牛證區，見到熊證街貨都有新增，但比例上真係無牛證咁多。

指數噚日觸底上行，重新靠近返熊證街貨，變相即使向下望返落去，又無厘無變得九丈遠；再追上嘅又怕佢26000點前阻力唔細。以今朝開市價計同呢個齊關口位爭得嗰50點左右，除非佢企定喺26000點樓上，否則都唔輕易再追。

坦白講呢兩日自己對住條恒指都真係捉唔到方向，特別係開市初段嗰半個鐘，大市未有方向/信心不足而出倉嘅話都真係當然自已買鋪大細算啦。

指數無諗法唯有向個股方向尋寶。上個星期恒服公布季檢結果，信達生物(01801)成功染藍，比較特別嘅係信達佔恒指比重為0.91%，屬醫療保健業類別中佔比最重。一喺就坐王位都係比較少見。

作戰室今朝未睇恒指走勢圖之前，先睇信達，Mark住日線圖50線有過嘅話，就掟隻信達牛(63999)，收回價80元，同現價有約14.75元嘅距離，槓桿有約4.5倍，為市場上第三貼價牛證，80蚊呢個位都幾好企，依家日線圖10/20/50/100線四線匯聚而有咩閃失嘅話，80蚊夠拉有餘。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2025。版權所有。