今日 10:26

【輪證贏家】無力升就彈高熊

上個星期五(11月21日)揀咗隻恒指熊(55659)出嚟，目標係25100至25199點嘅重貨牛。

以Patreon出文後再如常用10分鐘時間去睇文嘅話，即大約10點25分，呢個時間再睇返走勢圖，指數已經上到今朝開市位並遇阻重新向下，連同借埋10線唔過再碌落去，(55659)出得場。

係望住25100呢層重貨牛嚟出架，11點未到恒指再落到252有種望見家鄉嘅感覺，但就係無再向下挫落去，去到11點25分仲反方企返上10線，恒指熊(55659)破返出貨位，唔守啦，一個鐘內少少地執幾格算啦，同作戰室一開市搶淡倉追落兩回事嚟嘅。

指數由11月13日嘅高位27188點回落到上個星期五低位25178點，七個交易日累計跌2010點，今朝喺作戰室睇到嘅牛熊證街貨圖都咪話唔一面倒，但完全明白點解啲貨會咁擺；又見到呢個街貨圖，第一層牛又嚟重貨，唉~ 係咪真係要咁盲壓先?!

的確喺作戰室完咗U盤之後，喺五分鐘圖+小時圖畫住三條線位，係諗住指數開市後爬得上去嘅話先至出好倉，但開市之後係無企穩過，最多都只係得上影線，所以都等到差不多10點見指數反受制兩個時軸圖嘅三線位，變成出淡倉博指數今日只係高開低走。

恒指熊(56208)，收回價25813點，同現價有約400零點距離，已經係市場上最貼嘅熊證，槓桿有約53.1倍，都係用嚟做Day Trade，依家10點12分，五分鐘圖上見指數目前擺位低於100線，Slow STC(14.3)兩線喺超買位向下回落咗，但小心向下勢頭都仲未好強，所以透過注碼上嚟控制風險。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2025。版權所有。