今日 10:30

【輪證贏家】恒指熊小心技術反彈

噚日見恒指喺小時圖150線前過與唔過之間，等得佢有答案嚟我條稿都凍晒，所以索性揀定兩隻貨出嚟，兩手準備等睇指數過唔過線。

去到11點鐘終於有答案，指數係穿唔過小時圖嘅150線，所以恒指熊可以掟出。都好嘅，順下方近牛證街貨殺落去，反正技術分析vs街貨時，後者勝出嘅機會率係比較高。

無諗到呢一注可以玩到差唔多完場，係無Set目標價，不過見五分鐘圖指數一直借保歷加下降通道運行到3點半終於上過線，咁隻熊仔唔過夜計可以收工，Hold咁耐執14格/20%，都算係悶聲爬格仔。

今朝如常8點半左右喺作戰室同戰友睇新嘅街貨圖，見現價同熊證都有成700幾點距離，即使計埋今日新上市、無街貨嗰堆熊，都有成600幾點距離，點計都唔夠爭百零就到第一層牛證街貨咁快靚正，所以今朝喺作戰室又係以淡倉做第一注，嘻嘻，爬下格仔啫。

無諗到開市15分鐘都唔夠，恒指就轉燈見紅，坦白講要指數向下再壓過去，小時圖Slow STC(14.3)要出超賣再超賣，都有少少擔心佢未必再出到落去，所以今日見保歷加頂線開始向下，即有條件借返保歷加底線同10線夾住做一個向下運行嘅Swing，比返少少位條Slow STC(14.3)鬆一鬆，咁樣Swing落去對啲技術指標都會健康啲。

如果你都係咁諗嘅話，恒指熊(54966)，收回價26573點，同現價有約590點距離，已經係市場上最貼價嘅熊證，槓桿有約37.1倍亦都係貼價熊之中槓桿最高，而(54966)暫時見亦都係最活躍熊。

2分鐘後就10點，到你睇完文之後應該10點幾，到時再睇返小時圖時，如果見到指數喺小時圖10線遇阻嘅，先至小注出動喎，因為依家再去淡倉都只係純博指數再往牛證街貨方向打架咋。

有時候，技術分析都會贏嘅。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2025。版權所有。