今日 12:48

【輪證贏家】美團「紅底」有幾硬?!

噚日避開咗無睇指數，轉咗去睇美團(03690)，仲揀埋隻美團熊出嚟，慌死佢100蚊有支持。

不過都唔係即掟隻熊仔出去嘅，因為出文時都見佢仲有條小時圖150線接住，確認低走150線先出隻美團熊啦，咁比較安全啲。

還好美團無向下穿一穿之後先再上咁Fake，小時圖150線上全場全場接住，下半場同大市一齊推上，熊仔無位出場。又或者咁講；應該係今日追擊隻美團熊先啱。

恒指今朝大裂口下跌412點開市，報26660點，一步落返去牛證第一層，睇住今日重牛喺第三層嘅26400至26499點，淡倉喺作戰室已經Standby，只不過甫開市指數即高走，所以未有行動住(咁依家都只係開咗市5分鐘啫)。

都真係有啲奇怪指數咁大步向下落踩返入牛證街貨層但又唔向下再殺過去，搞到今朝作戰室第一注好倉出動咬到青筋都現晒。

作戰室注好倉一見到指數上到26800點之後就先執格仔，呢個位都頂得一陣。10點後換個小時圖出嚟睇就明啦，原來小時圖中軸線就係喺26800點附近，怪不得。

睇多次噚日執嘅美團出嚟，依家10點5分見小時圖，股價向下過150線(終於)亦有再落返去100蚊邊皮位，Slow STC(14.3)兩線重新向下，唯股價亦剛好出「平底」兼回到落去保歷加通道底線。

睇埋個日線圖見100蚊咁硬都唔係無原因，日線20線位就係喺$100.43，美團熊(61628)，收回價111元，同現價有約11元距離，槓桿有約7.9倍。

「100蚊咁硬都仲去淡倉?!」只係因為小時圖同日線圖嘅Slow STC(14.3)都係向下，所以信吓條STC咁解。同樣可以借返五分鐘圖Slow STC(14.3)喺超買位見觸頂時先至出(61628)，同恒指捉觸頂向下嘅做法都係一樣，進取嘅見有平均線做阻力掟貨都ok，但唔好忘記嘅係今日星期五，過夜=過weekend。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2025。版權所有。