昨日 10:53

【輪證贏家】恒指熊拜托50小時線

噚日揀咗隻好倉出去架，出場條件係要見到指數上返五分鐘圖10線先，亦因為係高槓桿貨，所以用返一般Swing Trade做法，即喺五分鐘圖上見Slow STC(14.3)到超買位就收割離場。

正數有收當然開心，但之後見指數再上嘅時候，就會變成揼春食少幾格；及至今早開之市見指數再嚟個裂口上嘅話，直頭覺得自己係「輸」嗰一個。

明明實數係正數有錢落袋，但心態上覺得自已係輸家...呢啲心理質素真係唔好要得。作戰室裏面經常強調：贏一格好過輸一格，因為1蚊都係錢！所以今朝早大家抖數精神之後再出好倉追上去，開市15分鐘都未夠已經再收格仔正數。
10點前見指數兩次升抵2617x點後止步，呢個位同小時圖50線都近；10點後再睇多次小時圖，好似50線做緊指數阻力，但除咗呢條線之外，就未見到有其他訊號出嚟係見掉頭。

咁依家10點7分，五分鐘圖嘅Slow STC(14.3)都無可能一直貼住天花板唔落嘅。

恒指熊(62594)，收回價26500點，同現價有約370點距離，槓桿有約58.1倍，擺明day Trade，做開Swing嘅見五分鐘圖Slow STC(14.3)出觸頂向下作為出貨訊號可以，快嘅自己數住格仔嚟執；Hold耐少少嘅就拜托一下小時圖條50線啦。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室