今日 10:26

【輪證贏家】恒指熊試追小時圖STC觸頂

噚日揀咗隻恒指熊(60563)出嚟，但唔係要即出嘅，係借小時圖10點打後如果見到陰陽燭/Slow STC(14.3)出觸頂向下時先至出，因為(60563)係借小時圖博出觸頂Swing Trade而執出嚟。即使小時圖整條保歷加向上都好，還可以借住保歷加頂線同10線做Swing Trade上落，而(60563)就係捉落嗰一下啫。再快嘅用五分鐘圖做Swing Trade亦都可以，反正(60563)槓桿都唔差。

不過，恒指噚日幾乎全日都係向上發展，諗住借小時圖保歷加頂底線做Swing+Slow STC(14.3)觸頂向下加嘛，小輸隻(60563)嘅同時，怕且今日要提住自己就算出淡倉都唔好咁衝動住。

「點解今日仲追淡倉呀?明明指數都靠近上方熊證街貨而且仲要咁重熊...」係咁架啦，有個老婆喺屋企好地地坐喺度，順住家庭和睦嘅方向走唔鍾意嘅，偏偏「妻不如妾、妾不如妓、妓不如偷」咁個人先至有啲刺激。

的確，牛熊證街貨圖上見今日嘅陣式，對於出淡倉係極度不利，但以日線圖上見，其實恒指仲借住20天線+一浪高於一浪嘅形式上行。假設，指數噚日上到27381點係完成咗一個浪嘅左邊嘅話，右邊就要向下回落啦喎。當然下方20天線一定要接得返住指數，咁整個形態先至可以繼續，同時即使指數真係行浪嘅右邊，20天線Keep住向上嘅情況之下，最終恒指都只會保持一浪高於一浪走勢上行。

恒指今朝開跌65點，報27221點，剛好五分鐘圖100線同小時圖10線嘅位置都係27100附近(兩線爭11點)，所以都擺定個陣係淡倉出動，唔多嘅先睇返上面Mark住嗰兩條線嘅位置先。

仲有大約9分鐘就到10點，啱啦，咁即係出完文之後就個小時圖個見到有update。先揀隻恒指熊(63322)收回價27700點，退到咁高係因為借咗黃金比率0.768嘅27633點做上方量度線，槓桿有約51.4倍。

仲有3分鐘就10點，作戰室今朝第一注淡倉已經到咗目標位，就係五分鐘圖100線/小時圖10線。如果10點後有見指數再向下穿埋小時圖10線，咁(63322)可以小注出場，小心嘅係五分鐘圖Slow STC(14.3)現時已經處於超賣位，所以佢未必向下壓得好多，注碼上都要留意一下，今日星期五，下個星期仲有一個紅日& no north water ar。

如果用五分鐘圖Slow STC(14.3)做一趟Swing Trade嘅，自己識架啦?!

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。