9月15日 11:03

【輪證贏家】棚已拆

上個星期五(9月12日)無睇指數，反而揀咗隻Popmart(09992)出嚟，博佢日線圖出「十字胎」確認再借埋Slow STC(14.3)觸底上，所以同步揀埋隻泡泡瑪特嘅好倉。

出好倉等得嘅借埋個五分鐘圖Slow STC(14.3)落到超賣出動嘅話最好，至少有咩事都仲有得變陣博即日Swing一趟收工，所以喺上個星期五嘅2點10分見五分鐘圖Slow STC(14.3)兩線落到超賣位，小注泡瑪好倉試落場。

呢一注如果見股價喺後段都無反應而先走嘅，你叻；但係借日線圖嚟博佢爬返上去嘅話，今朝見佢270蚊都無嚇一半先，及至開市後向下再衝落去260蚊樓下，周線圖直望20線，隻好倉未啪死都算佢叻，只不過開市之後要人踩人咁走貨，我係咪應該幸慶自己之前好天斬埋落雨柴，扣走呢條數今個月為止都仲有49%正數執緊？

作戰室都有討論Popmart呢個位好唔好再追，但既然試博日線STC觸底上都係失敗，今日仲要向100天線方向向下衝，竟然係咁，拎埋20周線出嚟借線添呀！

嘿嘿，反過來說，事實證明我都會出錯，我記得喺呢度我都試過打過三次靶添！輸唔緊要，知道輸乜就得啦，唔好白交學費；又有幾多個人會長勝不輸?!有嘅話，話我知。

再睇返恒指，今朝跌7x點開市之後，作戰室今朝係等指數低開高走後出好倉，所以衣家10點14分，大家都係手執好倉，同時見26500點撲到已經出埋風箏策略。

而小時圖上有見指數借到10線再次上行，係呀，今朝作戰室好倉就係借咗呢條10線而出，只不過26500點都好似唔係好企得穩，所以作戰室都係見好先收。

續借小時圖10線再博上行而出好倉嘅話，都等一等五分鐘圖Slow STC(14.3)回返落超賣位先好，依家10點23分佢開始做返通道嘅觸頂向下嘅Swing啦。

恒指牛(56507)，收回價26000點，同現價有約488點距離，槓桿有約41.4倍為同一收回價中槓桿最高，成交亦見活躍。

安全嘅等五分鐘圖Slow STC(14.3)回返落超賣位至出動；進取嘅借指數於保歷加上升通道向上運行嘅話，中軸有支持力就借佢啲力啦。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室