8月25日 10:48

【輪證贏家】恒指破257「雙頂」位

相信大家最期待嘅畫面，喺上個星期五已經出現咗，就係當日收市後，恒指公司宣布泡泡瑪特(09992)染藍，仲入埋國指；同晚美國嗰邊又有啲消息出嚟吹緊9月減息機會高，所以今日指數高開267點，開市報25606點，一步將熊證首三層街貨全數收回，當中包括第二重貨區，即25500至25599點嗰561張期指街貨...嘿...講出嚟都尷尬。

至於真.熊證重貨區(仲尷尬)係喺25800至25899點呢個位，先唔理佢街貨量多寡，重點係淡友們都將隻熊仔放喺257xx點日線「雙頂」，依家10點7分，指數已經升抵多一次25700點樓上，暫時高位有見過25718點，對比之前「雙頂」嘅25735同25766點，尚算叫做仲有少少距離。

今朝作戰室個策略係一開市順U盤方向出好倉，正常今朝揸住隻好倉擔心緊個「雙頂」時，持貨到依家10點20分，上面兩個位都過晒之餘，依家已經入到25800至25899點呢層重貨區...

恒指牛(68347)，收回價25165點，同現價有約522點距離，今日新上市所以未有街貨，但係，所有嘅指標都搶到高晒，唯一叫做快啲同有啲希望嘅，借五分鐘圖條10線先，企得住先至好出隻(68347)，因為指數升咗500點，沽壓開始儲出嚟架啦！

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室