7月24日 10:21

【輪證贏家】高槓桿牛追重貨熊

噚日揀咗好/淡兩隻貨出嚟做Swing，不無喺上半場用保歷加頂線同10線行Swing，還是去到下半場時見保歷加通道頂底線上落捉Swing，睇得呢個攔耐嘅/熟悉做Swing嘅應該都問題不大。

隔晚美股升返500幾點，而港股今朝早都再追多一浸，依家9點36分，暫時最高見過25625點，第一層熊證街貨全數被收回，而作戰室今朝快搶好倉之後，都有少少等五分鐘+小時圖嘅Slow STC(14.3)觸頂向下，始終現價同線位都爭得比較遠。

又咁講，睇返今日牛熊證街貨圖，指數呢兩日都貼住熊證向上打上去，依家望住嘅第一層熊證變成25600至25699點，呢層有相當於1290張期指街貨，亦都係熊證重貨區；留意到個矛盾位未?!就係技術分析VS街貨。

理論上，單計輪證呢一part嚟講嘅話，大行要開飯就要有生意做，即係背後嘅貨要做到對沖，換言之向街貨方向殺熊先至有着數；反正指數又近上方熊證，即使牛證街貨都有唔少，但向下落成800點先食到第一層嘅7025張期指街貨 VS向上行多100至200點就食到1290張期指街貨，正常都識揀啦。

關鍵在於會唔會輕輕回一回，鬆一鬆條Slow STC(14.3)或其他啲技術指標，等指數可以重新再借呢啲線位再上。

10分鐘之前作戰室就借咗五分鐘圖條中軸線守住出好倉，依家重新等多次上25600點樓上。

恒指牛(59688)，收回價24994點，今日新上市，同現價有約520點距離，為同一收回價中最高槓桿之一嘅牛證。

指數愈是爬得高而且上面無乜頂線嘅話，注碼愈是輕身上陣，坦白講再向上度上去真係要拎個Fibonacci出嚟。

近啲先，唔好諗得咁遠住，始終輪證都係有槓桿成份嘅產品，小時圖都無乜啲乜嘢可以借得到，用住五分鐘圖嘅中軸線先啦；安全嘅Slow STC(14.3)超賣位出(59688)行一趟Swing都可以。

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon搜尋「cbbcwar」領取七日免費試用即市作戰教室