7月23日 11:18

【輪證贏家】紅底目標到 滙豐牛先收割

噚日揀咗隻恒指熊(54162)出嚟，Day Trade下望目標用小時圖10線。以噚日Patreon出文時間再加多10分鐘睇文時間，即於10點23分再睇返個走勢圖，五分鐘圖上Slow STC(14.3)兩線已經落到超賣，而且指數擺位亦都同小時圖10線爭20點唔夠，明顯要等下一輪出觸頂向下嘅Swing先至可以出到隻(54162)，還好喺下半場Slow STC(14.3)觸頂向下走咗一趟，雖然唔係咬到好多，但至少茶餐換杯紅豆冰都有嘅。

重點就更係隻滙控(00005)啦，追咗三日，噚日終於都上到100蚊見「紅底」，隻滙豐牛(68629)喺100蚊附近進行收割嘅話，10格應該走唔甩；如果噚日Miss咗嘅話，今朝見隻象開市報100蚊，算係第二次機會比揸住好倉嘅你食住紅底走貨。

至於恒指，噚晚期貨都已經見到指數上到253，今朝甫開市到253呢個位，首兩層熊證街貨全數被收回，當中包括252嘅重貨區，夾埋都有1217張期指街貨架。

作戰室今日第一注都係掟緊淡倉出去，不過用五分鐘圖數住格仔啫。

依家9點45分，小時圖上見指數高開低走出實心陽燭，10線位(25046點)同現價都比較遠，係想等到10點鐘之後，小時圖上會唔會見到指數高位出實心嘅「吊頸」+Slow STC(14.3)觸頂；同步預咗10線會向上走多步，將指數下行目標縮短，但唔緊要，做Day Trade嘅博槓桿幾步路都夠。

恒指熊(61599)，收回價25700點，同現價有約430點距離，槓桿有約48.6倍，為同一收回價中槓桿最高，Day Trade夠數，但要比多一個條件係指數向下穿埋五分鐘圖10線先至出，增加升市出淡倉嘅值博率。

「如果五分鐘圖10線接住指數嘅話咁點呀?」當Swing Trade咁做，所以你需要多隻恒指牛(59522)，收回價24825點，今日新上市之中最高槓桿，有約47.7倍。

不過，五分鐘圖開始行出「三角形」，希望你睇完文之後指數已經破咗位，比個方向出嚟啦。

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon搜尋「cbbcwar」領取七日免費試用即市作戰教室