今日 11:20

【輪證贏家】恒指熊下望小時圖中軸

噚日揀咗隻恒指牛(57636)出嚟，其實都係預咗恒指高走到差不多年內新高之後向下碌落去，等返5分鐘落到超賣位之後做一趟Swing Trade。

比較驚喜嘅係噚日以5分鐘圖上計有兩次超賣至超買嘅Swing Trade做得到，兩次夾平均埋執到10.5格；如果有多隻淡倉喺手嘅話，即做埋超買至超賣嘅Swing Trade，多啲嚟密啲手，1691千人斬！

今朝指數繼續開綠燈，升29點之下都未喺作戰室Plan定出乜，不過到開市後有見指數再借5分鐘圖嘅Slow STC(14.3)觸底上，超賣至超買一趟Swing，10點之前已經做完。

大家都等緊10點後嘅小時圖，因為睇下佢上唔上得返條10線+Slow STC(14.3)轉向。做陣嘢之後依家10點05分，都已經確認指數企唔到線兼Slow STC(14.3)未轉向；作戰室繼續5分鐘圖做Swing Trade。

基本上大部分戰友都已經識得自行玩Swing Trade，所以我索性先處理咗啲稿件先。再睇返鐘依家10點32分，見指數已經低走於小時圖10線，Slow STC(14.3)兩線亦保持向下，淡倉出去用恒指熊(56172)，收回價24900點，Lock今年高位24874點做上方量度線，呢隻貨為同一收回價中，槓桿最高，有約64.7倍，街貨不過10% Ok架啦，順小時圖向下望落去嘅話，咁目標先用小時圖20線先。

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon搜尋「cbbcwar」領取7日免費試用即市作戰教室