昨日 13:09

【輪證下半Part】滙豐牛留意小時圖頸線位

今日喺呢度無乜點睇條指數，而喺作戰室亦都只係出咗先淡後好兩次貨，跟住喺五分鐘圖上見到佢出三角形，都準備收工等放飯。

無睇指數所以喺度執咗隻滙控(00005)出嚟。以今朝Patreon出文時間為10點5分，如常的用10分鐘去睇文的話，則於10點15分再睇返個走勢圖，見當時滙控股價已經企咗上小時圖中軸線之上；返去五分鐘圖睇嘅話亦都有10線接住，滙豐牛(56652)可以出場。

如常用返10分鐘去買貨的話，期內證價做過0.058元。10點50分時見股價已經高衝上96元以上，惟5分鐘後見五分鐘上高位出「射擊之星」，股價向下稍回。及至完上半場前還好見股價暫時於中軸線位接住，而小時圖計，股價亦差不多到保歷加頂線，Slow STC(14.3)兩線仍然呈上。

今日過夜嘅話即係要星期三(7月2日)放完假返嚟之後先至有得再做，如果唔打算過夜嘅話，小時圖上大約都畫到一條頂線為95.9元至96元水平，如果下半場股價有再抽高過線嘅，以半場(56652)證價報0.06元計，都數到有2格
數先。

又或者比多一個走貨目標，就係等返五分鐘圖嘅Slow STC(14.3)上返超買位，當自己走咗一趟Swing Trade算啦。

呢篇【輪證下半Part】係暫時最後一篇，由7月2日開始會得返【輪證贏家】單天保至尊；Patreon裏面其他文章一切正常。

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon七日免費試用即市作戰教室：https://www.patreon.com/join/cbbcwar