6月25日 15:47

【輪證下半Part】指數慢活熊證難爬

今朝揀咗隻恒指熊(59422)出嚟，純綷借5分鐘圖做一趟觸頂嘅Swing的話，以今朝Patreon出文時間為10點19分，如常的用10分鐘時間去睇文的話，則於10點29分再睇返個走勢圖。

見當時5分鐘圖上指數已經向下回落到中軸線上，而Slow STC(14.3)亦早已出觸頂向下，並回落到中軸水平，呢個時侯出淡倉嘅話，一定要博得到嘅係指數向下穿過中軸。

稍等一下之後見中軸接住指數，呢一等，等到11點打後保歷加通道開始變返通道出現都仲接住，連SLow STC(14.3)都上返去，睇嚟借SLow STC(14.3)都上返去觸頂後向下落仲快。

喺大約11點30分左右，見SLow STC(14.3)都上返去兩線上到超買位，比多5分鐘時間佢即觸頂向下，(59422)小注接位出場。

一樣同平時以10分鐘時間去買貨嘅話，期內(59422)高低位做過0.047元/0.042元，平均買入價為0.0445元。

指數的確行得勁慢，Slow STC(14.3)上到超買位後有見向下再落，不過又係重新咬中軸線至收半場；(59422)亦焗過Lunch。

下半場開市後有見指數再向下稍為落多一級，1點10分更有見指數掂到落保歷加通道底線，但最後都只係出下影線踩住，未有見保歷加通道口拓闊，更加無見指數貼住條底線行。

依家1點21分，指數喺5分鐘圖上見仍然貼住保歷加中軸運行，而(59422)證價現時為0.046元，同平均買入價差不多，雖然仍然可以數住格仔，但都Set定走貨位，例如指數重上中軸再向上行近保歷加頂線時，如頂線有見向上甚至保歷加通道口有拓闊嘅話，咁隻(59422)閃人啦；怕悶嘅，暫時有嘅平均1.5格或3.37%落袋當今日無事發生亦都可以。

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon七日免費試用即市作戰教室://www.patreon.com/join/cbbcwar

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。