昨日 13:29

【輪證下半Part】小時圖STC或見觸底

噚日揀咗隻恒指熊(58498)出嚟，hold到過夜至今日再捉小時圖Slow STC(14.3)兩線到超賣位。及至今日上半場完場時，小時圖上見暫時只得%K線低於20即入到超賣位，但%D線仍然未到。小心嘅係150線上出現爭兩點嘅平底。

另外，如果係今日先追淡倉嘅話，今朝揀咗恒指熊(62838)，以今朝Patreon出文時由為10點22分，如常用10分鐘圖去睇文的話，則於10點32分再睇返個走勢圖，當時指數正正喺落到去小時圖150線位置，而五分鐘圖Slow STC(14.3)亦喺5分鐘後確認觸底，變相今朝隻(62838)未有落場靚位出現。

其實作戰室嘅淡倉喺上半場都已經清咗，仲出過一次好倉捉觸底不過失敗；食飽飯之後決定再等小時圖返嚟條Slow STC(14.3)觸底成唔成功。有嘅話，咁反手好倉(63504)掟出去嘅同時，(58498)收割啦喂！

最後，讓大家「會務」一下：早排都有講過maybe工作關係，日打夜打字之下右肩至右手已經負荷唔到咁滯啦，所以由7月開始【輪證下半Part】將會暫停，直至另行通知；其他照舊(住先)。

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon七日免費試用即市作戰教室://www.patreon.com/join/cbbcwar