5月30日 13:27

【輪證下半Part】提早埋數

今朝再嚟多次出淡倉，揀咗隻恒指熊(56737)出嚟，由於出文時都開始有少少見五分鐘圖整條保歷加通道向下行，但唔緊要，即使指數行Swing，但如果係沿住一條向下運行嘅保歷加通道而落嘅話，方向都係指向淡的；反而比較留意小時圖嘅Slow STC同保歷加底線位置，仲有23200點呢個位穿定唔穿。

以今朝Patreon出文嘅時間為10點24分，再用10分鐘作為睇文時間，即於10點34分再睇返個五分鐘圖，當時指數已經低走於23200點，同時係呢個齊頭位度指數都咬咗好耐。

咬幾耐?咬到依家1點18分，指數都係仲喺23200點上落最多30至40點位，作戰室繼續喺呢啲窄位度瘋狂偷格仔，但呢個策略/玩法喺文章裏面好難講到，因為未打完隻稿指數都已經唔同咗樣。

索性5月提早同自己收爐&埋數，希望大家今個月拉均都有正數啦！一陣【月度報告】見！

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon七日免費試用即市作戰教室://www.patreon.com/join/cbbcwar

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。