昨日 14:18

【輪證下半Part】寧德Call即日平均食14.38%！

今朝喺呢度無睇市，作戰室就追好倉追到上半完為止；喺呢度點咗隻新股寧德時代(03750)股輪同步出嘅寧德Call(16738)出嚟。

今朝都有講過，因為新股上市首日，未有咁多價造到出嚟之前，都真係只可以用分鐘圖去度住先，五分鐘圖Ok嘅，再拆細啲用1分鐘圖亦可。睇開呢個專欄嘅你，我諗你對分鐘圖都唔會陌生。

如常的玩法，按今朝Patreon出文時間為10點6分，同平時一樣用10分鐘時間去睇文的話，則於10點16分再睇返寧德個走勢圖，如果計五分鐘圖10線的話，喺今朝10點20分先至有一點出到嚟，Slow STC(14.3)要去到11點先至有，咁就準有用1分鐘圖啦，放心，一樣架咋，技術分析呢套方法塞喺任何一個時軸圖、金股滙幣都係咁用。(一理通~ 百理明~ 忍唔住要唱返呢首歌，如果你都識唱嘅話，嘿嘿~)

喺1分鐘圖上當時見股價有於此前低位向上但未上返中軸線，同步Slow STC(14.3)亦一路向超買上緊去，重新再等Slow STC(14.3)落到超賣位嘅時間係上半場嘅10點44分，觸底完成。

我懶，唔由10點44分再數10分鐘去睇，返去五分鐘圖用10點45分至10點55分計(16738)期內高低位做過0.385/0.38元，平均買入價為0.3825元。

落場後開始喺五分鐘圖上見到多少少嘅技術指標出現，用返五分鐘圖嚟做嘅話，股價一直企於10線之上，Slow STC(14.3)一出場就已經喺超買位未曾落過嚟，半日高位見311.4元，但同時呢個位亦都係平頂位，而Slow STC(14.3)兩線亦見勢頭向下，最終半日收市報307.6元。

坦白講出(16738)都係一日貨仔，臨完上半場先嚟出平頂，都只能等下半場開返市之後先至走到貨，望下隻(16738)，半日收0.43元，暫時平均有12.42%落袋。

下半場開市之後有見寧德股價重新向上高衝多次311元呢個位，但可惜都係無功無回，(16738)基本上收夠籌都真係可以即走；再守嘅就只能用10線做下方量度線。

可能你見上到311元幾次都係唔過而一早清咗隻(16738)，唔緊要，正數就OK啦！喺呢度我同樣用返10分鐘作為走貨時間的話，按期內高低位做過0.445元/0.43元計，平均走貨貨為0.4375元，呢一趟平均袋5.5格或14.38%，抽唔中IPO但買中Call嘅，呢個賺幅都不錯啦！

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon七日免費試用即市作戰教室：https://www.patreon.com/join/cbbcwar