5月6日 16:14

【輪證下半Part】恒指牛博企穩22700點

今朝揀咗隻恒指牛(68482)出嚟，諗住出完文之後再睇完文嘅話，可能要等一等5分鐘圖條Slow STC(14.3)鬆一鬆向下，當Swing Trade一趟先至入；當然都可以出動進取嘅方法，就係見指數踩進線就入。

以今朝Patreon出文時間為10點34分，如常的用10分鐘作為睇文時間的話，則於10點44分再睇返個走勢圖，見當時指數已經上到去22702高位，同步Slow STC(14.3)亦都有見上到超買位置，而指數擺位亦都高於10線，所以呢個絕對唔係出(68482)嘅時間。

隨後有見Slow STC(14.3)兩線出觸頂向下，午前10線已失，午後返嚟見指數暫時出下影線穿過中軸線，而Slow STC(14.3)兩線亦由今朝睇文後嘅超買向下回落到中軸水平。

喺大約1點15分，有見指數落到中軸後出下影線縮上，同步Slow STC(14.3)兩線亦於中軸水平有出兜底上，(68482)符合到進取mode策略出動。

同平時一樣用10分鐘時間作為偷位小注出動買貨嘅話，按期內高低位做過0.078元/0.074元，平均買入價為0.076元。

借中軸出貨當然可以借返中軸做下量度線，反正依家1點41分見指數今日比較大部分時間都沿住5分鐘圖嘅20線向上運行，只不過22700點好似搽咗印度神油咁，硬到呢~

又或者下半場係要啲時間呢，Lock好量度線，嚴守策略啦！

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon七日免費試用即市作戰教室://www.patreon.com/join/cbbcwar

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。