4月28日 12:56

【輪證下半Part】借返五分鐘圖保歷加上升通道行Swing

今朝揀咗隻恒指熊(64782)出嚟，但出文嘅時侯見指數都差唔多落完咁樣，雖然未掂到小時圖保歷加底線，但係底線前出「錘頭」；作戰室喺10點半左右仲反埋手出好倉，都話，Day Trade嘢喺作戰室玩得好啲，出文都起碼Delay 10分鐘：當由打好計Post上Patreon再等你收到通知去爬埋文，未計入貨平均數計嗰10分鐘；呢堆嘢喺作戰室3分鐘唔駛做晒。

唔緊要，照睇。以今朝Patreon出文時間為10點15分，如常的用10分鐘去睇文的話，則於10點25分睇返個走勢圖，五分鐘圖上見已經見指數同Slow STC(14.3)觸底上咗去，指數亦爬到上10線樓上。再過多10分鐘指數已經企埋上條中軸線之上，所以先至喺作戰室出好倉策略。

咁變相因為指數企咗上線仲要係企得到，所以(64782)係出唔到。午前恒指倒升返過22000點收半場，但留意成交仲奀過我家肥貓(其實佢好輕架咋)，無計，嚟緊五一黃金周南北水將會由5月1日停水至5月5日；同時計埋下個星期一(5月5日)佛誕假期，其實又可以自製一個長假期出嚟，半日成交連1000億都無所以唔好怪個市咁靜。

既然上半場借小時圖嘅(64782)出唔到，咁就唯有等下半場開市之後，睇下個五分鐘圖有無得借依家條保歷加上升通道向Swing上去咁玩啦！

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon七日免費試用即市作戰教室://www.patreon.com/join/cbbcwar

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。