3月17日 13:31

【輪證下半Part】小米牛借好五分鐘圖中軸線

今日無乜點追條恒指，尤其係上半場尾段時間，好鬼怕佢又行個「三角形」/「楔形」出嚟夾住...

所以今朝變相走咗去睇個股，揀咗隻小米(01810)出嚟算是博明日出業績可以炒一Round。

今朝有借個小時圖喺上面畫到一個「杯柄」出嚟，頸線位大約係54.35元。同步揀定隻小米牛(56418)，Mark住條頸線如果過得到嘅話咁先至出場。

以今朝Patreon出文時間為10點14分，如常的用10分鐘去睇文嘅話，則於10點24分再睇返個走勢圖，當時小米做緊54.6元，剛好向上高衝緊去頸線位兼有見稍過，(56418)可以出場。

同樣用返10分鐘作為買貨時間的話，期內高低位做過0.088元/0.084元，平均買入價為0.086元。

落場後有見股價稍為向下回落，但還好有中軸線接住，半日小米收報54.8元，五分鐘圖上有見行出接近「圓底」走勢；而(56418)證價亦見返0.088元。

不過，喺下半場要留意嘅係條保歷加通道，皆因中午收市時見五分鐘圖嘅Slow STC(14.3)兩線中%K線已經見90，而股價依家擺位接近保歷加頂線，如果保歷加通道口喺下半場唔拓闊比位股價向上走時，比個條件Slow STC(14.3)行超買再超買嘅話，咁(56418)都有啲難留。

Set好止蝕位幾時都係需要嘅，咬緊少少用住五分鐘圖嘅中軸線都可以，反正同步仲有條10線喺條中軸重疊咗，睇下呢個兩線支持接唔接得住；上方目標?!自己數格仔啦！線位高咗嘅話咪將下方個條量度線向上移高佢囉！

作者阿珊，以技術分析專心玩輪證，唔貪心，努力賺取我家肥貓罐罐。

想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。