2月21日 14:47

【輪證下半Part】保持正數

今朝揀咗隻恒指Call(28273)，行使價為23617點，同現價有約1.61%外價距離，揀佢都幾因為佢引伸偏低，事實呢期恒指嘅波幅都比較大，即使聽日唔係跌，但上升波幅比今日細嘅話，條IV都係會縮架！所以諗住用無收回機制嘅輪嚟出倉嘅話，低街貨固然要啦(免得進入人踩入嘅局面)，其次就係要低引伸，以減低縮vol嘅影響。

以今朝Patreon出文時間為10點32分，如同平時一樣以10分鐘作為睇文時間的話，即於10點42分再睇返個走勢圖，五分鐘圖上見指數喺10線上出咗一次下影線再上，借10線守住指數而出(28273)，嚟啦喎。

一樣都係用返10分鐘時間作為買入時間的話，按期內高低位做過0.085元/0.082元，平均買入價為0.0835元。

借10線就Lock 10線，作戰室今日好倉目標都係睇住上年10月7日高位23241點啫，估唔到為咗要打埋重熊，向上再闖到入23300點樓上。

牛後返嚟指數高見23350點，五分鐘圖10線都仲守住，去到1點45分見指數一大棍向下插過去，連條中軸線都無埋，得啦，(28273)會帶佢走架啦。

觸發走貨位同樣都係用10分鐘時間沽貨，按期內高低位做過0.092元/0.085元，平均走貨價為0.0885元，呢一趟平均有5格或5.99%收割。

睇返呢個月過咗三個星期，月初出牛證追升有一次幾乎食到成倍賺幅，但去到後尾換上用沒有收回機制嘅輪之後，賺幅係少咗好多，嗯，完全反映出我自己都開始畏高，保持且戰且走嘅心態，正數就得啦！

作者阿珊，以技術分析專心玩輪證，唔貪心，努力賺取我家肥貓罐罐。

想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。