1月6日 14:16

【輪證下半Part】恒指牛仲未出得

今朝揀咗隻恒指牛(64373)，皆因擔心出得文嚟指數喺五分鐘圖都完咗向下嗰一轉，隨時已經Swing返出現觸底上行。所以比定隻好倉，萬一出完文再睇完之後見有Swing行嘅都可以快食一趟。

以今朝Patreon出文時間為10點16分，如常的用10分鐘作為睇文時間的話，則於10點26分再睇返個走勢圖，見當時指數喺五分鐘圖上已經出咗低位「陀螺」兼大陽燭x2過返晒所有平均線，順便比多粒「射擊之星」出嚟，將指數重新再推返向10線位置。本以為仲可以追得到指數高開低走過後嘅回穩而Pick定好倉，誰不知今日快到連回穩上行後嗰一趟都過埋，(64373)唯有等下一個Swing Trade機會啦。

指數喺五分鐘圖上見本來都仲好地地借住10線向上慢慢移動，但硬就硬在19800點，點都企唔穩，同時收到msg「日韓稱北韓疑發射彈道導彈」，指數都忽然見「導彈」，全數推返落去各平均線以下位置。Slow STC(14.3)當然亦一齊下行啦，或者就係一個等(64373)借Slow STC(14.3)觸底上而出倉嘅機會。

午前見Slow STC(14.3)兩線數值上%K線已經%D線，不過兩線擺位都仲係處於超賣範圍。及至午後指數連0線都爬唔返上去，作戰室依家做緊嘅係清緊手上嘅淡倉，「咁即係可以準備反手好倉，隻(64373)有機會出動啦？」，如果小時圖今朝畫嘅「楔形」仍然都係Keep住行嘅話，到「楔形」底線出好倉，借埋(64373)本身嘅高槓桿，偷位爬格仔難唔到你嘅話，can try；否則指數亦有可能借五分鐘圖保歷加通道底線+10線嚟行Swing Trade架咋。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar