12月31日 10:36

【輪證贏家】少少地都攞彩尾

先祝各位讀者喺2025年繼續由頭贏到尾！

今朝指數低開38點後，一邊同戰友傾定新年後約飯局；一邊部署定指數低開高走的話，好倉掟出去先，多多少少都好，先取得今年可能係最後一注嘅正數。

都真係有人係會鍾意拎呢啲「彩頭」、「彩尾」架，唔好理，大家都有正數唔好咩？

10點前見指數都比較大部分時間處於200XX點之上，係呀，皆因喺五分鐘圖上見啲平均線都係喺呢啲位，仲要擺位係近嘅，變相四五條線喺差不多水平卡住條恒指。

10點後見指數再次爬番上10/20線之上，不過借埋噚日嘅高位其實係拉到條頂線出嚟，開始有變成一個「平頂三角形」嘅圖形，Slow STC(14.3)兩線向下，但以頂線位大約20120點同10點後嘅20線位見20040點計，呢個高度有80點。

仲有唔夠兩個鐘就完場過年，呢80點如果選擇去偷嘅話，揀隻高少少槓桿嘅熊證去做；但都小心五分鐘圖上嘅平均線，因為擺位都真係近同卡關。

希望大家喺今日都取得正數！

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar