11月12日 14:14

【輪證下半Part】恒指熊今日已經正數！

今朝揀咗隻恒指熊(59818)出嚟，目前向下殺牛證街貨嘅同時，都諗住借小時圖嘅10線向下落成阻力，推低指數。只不過係小心5分鐘圖上見指數同Slow STC(14.3)有可能出現觸底。

以今朝Patreon出文時間為10點21分，如常的用10分鐘作為睇文時間的話，則於10點31分再睇返個走勢圖。小時圖10線仍然成為指數嘅阻力線，同時換個5分鐘圖見指數亦確認低走於10/20/50線以下水平，(59818)出動。

如常用返10分鐘作為買貨時間的話，期內高低位做過0.057元/0.051元，平均買入價為0.054元。

無諗過呢一注淡倉出咗之後，莫講話小時圖嘅10線，就連5分鐘圖嘅10線都上唔返，更估唔到嘅係持貨至下半場依家1點10分，恒指連20000點都篤穿埋，跌幅已經擴大到471點，現報19955點。

(59818)依家證價見0.076元，對比平均買入價多22格，如同經常喺作戰室嗌嘅一樣，有格仔數到嘅正數先食，keep住守實上方量度線可以，自己處理返自己嗰注貨，食多食少唔係重點，重點係你今日已經正數！

作者阿珊，以技術分析專心玩輪證，唔貪心，努力賺取我家肥貓罐罐。