8月22日 13:24

【輪證下半Part】Paper Trade都要認真啲

還好今朝喺呢度無揀到任何貨出嚟，事關今日自己都Trade得唔多好，10點左右已經開始罰自己paper trade重新再捉返盤感，去到10點半先叫做捉得返少少，不過都係決定下半場繼續自己玩住paper trade先；還好作戰室都戰友爬到格仔，自己唔得都想隊友成功。

依家只係12點48分，下半場仲未開市，但都想Mark定一啲位準備下半場開市之後拉好啲線位走動。

五分鐘圖上見保歷加通道口已經橫向，而頂至底線嘅高度都有95點，已經好好架啦，噚日見得最窄時計到30點都無。而目前指數擺位企於中軸樓上，未到頂線。至於Slow STC(14.3)兩線則已經喺90以上嘅嚴重超買水平，如果佢要出超買再超買的話，唔係唔得，皆因指數都仲未頂到上保歷加頂線；但如果保歷加通道口都見拓闊的話，咁就最好啦。

換個小時圖則見指數於10/20線之間卡住，真係高位被20線壓住，而低位則有10線接住。佢嘅Slow STC(14.3)觸咗底向上中，今朝嘅開市裂口都叫做補咗。問題應該在於指數係咪會借保歷加底線同中軸行Swing，如果係嘅話，咁條Slow STC(14.3)都應該會喺中軸水平見掉頭。

午後見指數再向住五分鐘圖嘅保歷加頂線出發，不過就未見保歷加通道口有異樣，借Slow STC(14.3)行Swing咁走而出倉嘅話，我都係paper trade搞住先咋。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar