7月18日 13:56

【輪證下半Part】食住花生等17800點玩

噚日收到一個久違了嘅email，寄件者用reply嘅方式嚟喚醒咗我嘅記憶，一堆2017年嘅Email喚醒我初初撰寫【輪證贏家】，嗰時仲未有下半Part/FB/IG/Patreon...所以同讀者嘅交流就只得係email。如今重聚，的確有一種再見老朋友嘅感覺，多謝你比返呢種「初戀」嘅感覺我，Marco❤️

今朝揀咗隻恒指熊(64227)出嚟，諗住都係等小時圖上見指數唔過線而掟出去，順便向下殺重牛；無位或者過線的話就普通一次Swing Trade咁做。

以今朝出文時間10點41分計，同平時一樣用10分鐘時間去睇文嘅話，則於10點51分再睇返個走勢圖，見指數喺五分鐘圖上已經完成咗觸底向上仲過緊條中軸線，以當時指數擺位計，雖然仍然都係處於小時圖堆平均線下方。但見到五分鐘圖上行度氣，等一等可能平兩舊。

一等，就等到依家1點20分，指數再上見企返上17800點樓上，之前畫嘅頂線位都亨鬆過關，作戰室其實喺上半場嘅尾段都開出好倉兼食咗先講，下半場返嚟見指數再上，當然好倉接力上。

少少老尷皆因又去到啲線位前，全村人等緊嘅時侯，得兩款嘢做：指數唔再上嘅話，五分鐘圖觸頂Swing向下，隨時今朝揀嘅(64227)偷一注出場都可以；咁有力過到小時圖最後一滴血100線嘅，好倉睇你敢唔敢出啦。

作者阿珊，以技術分析專心玩輪證，唔貪心，努力賺取我家肥貓罐罐。