7月16日 13:41

【輪證下半Part】好波不如好運

今朝揀咗隻恒指熊(64171)出嚟，度住小時圖嘅50線唔過就落場；如果睇完文咁啱過線嘅話，就借五分鐘圖Slow STC(14.3)上得到超買的話就觸頂向下Swing一轉時出場。

以今朝出文嘅時間為10點20分，如常地用10分鐘去睇文嘅話，即於10點半時再睇返個走勢圖，見指數擺位17798點左右，對比小時圖50線嘅17814點，指數仍然處於50線以下位置，算是一個可以落場嘅條件發動。

同平時一樣用10分鐘作為買入時間的話，期內(64171)高低位做過0.047元/0.044元，平均買入價為0.0455元。

落場後其實都唔係好見到指數再向下往牛證街貨方向出發，你話下面17500至17599點嘅1300幾張期指唔吸引？無可能；要由呢度反方向倒升返上18000點或甚18300點食返熊證？難度比盲人偷睇國家機密為高。所以(64171)都真係唯有Hold住再等運到。

「吓？做技術分析都要等運到？」梗係啦，有時好波不如好運。

望望鐘依家1點22分，下半場開咗一段短時間，暫時見指數喺五分鐘圖都仲被條保歷加中軸壓住，不過由於目前通道口都未係好闊嘅關係，指數比較大部分時間都只係Keep住橫行。等得到保歷加拓闊博指數向下一挫走到隻(64171)當然最好，所以小時指數浮上中軸樓上，力守到保歷加頂線唔阻制，但係如果到頂線同時見拓闊的話，唔該即走；如果磨得太耐，依家1點24分見證價做緊0.048元，叫做平均都有2.5格或5.49%落住袋，食唔食隨得你啦。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar