6月14日 13:29

【輪證下半Part】大形「楔形」變「平底三角形」

今朝指數上上落落，半日行出大形「楔形」出嚟，作戰室忙到不可開交，淡好淡好淡梅花間竹的最瘋狂可以出到五注，有時走得慢、入唔砌有少少蝕頭輸尾；但都喺個句：拉均正數就得啦。

今朝揀咗隻恒指熊(60855)出嚟，單純地睇呢篇文的話，其實好難做到Swing，做得到Swing嘅話我諗你都可以自己Trade。(即係駛鬼睇我)

揀熊嘅原因只係因為指數目前擺位仍然靠近下方牛證街貨層，同時見牛證由17700至17799點開始打落三層，每層都有過千張期指街貨喺度，反觀熊證得18400至18499點一層過千張期指街貨，又遠又單叮，索性淡倉出動去牛證嗰邊開party仲好。

以今朝出文時間10點36分，如常用10分鐘作為睇文時間計，即於10點46分再睇返個五分鐘圖，當時指數剛剛落返去18000點樓下，同時稍回跌定，且Slow STC(14.3)兩線亦超賣位前止步，唯有等返指數同Slow STC(14.3)向觸頂先再算。

等到大約11點20分，指數點數已經重新上返18000點樓上水平，但Slow STC(14.3)仲未到超買；五分鐘之後見指數出爭三點「平頂」，同步Slow STC(14.3)兩線見掉頭向下，進取的若然吼呢啲位掟隻淡倉出去，到依家下半場1點13分，指數重新再落兼再度見跌逾160點，見過17941點so far為下半場低位，同步Slow STC(14.3)兩線碌落到10都無嘅嚴重超賣範圍，已經可以收工。

真架，因為指數喺上半場尾段雖然下破咗個大形「楔形」，但依家見底線再出，「平底三角形」有機會成形，且波幅愈來愈窄，一Round正數夠買杯奶茶有多啦。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰室七日免費體驗：https://www.patreon.com/join/cbbcwar