6月6日 13:51

【輪證下半Part】橫行中

今朝揀咗隻恒指熊(59945)出嚟，由於喺今朝出文嗰時見小時圖保歷加通道口收窄中，同步指數亦踩住堆平均線，有似再跌唔落去嘅情況，所以必要時隻(59945)借五分鐘圖嘅Slow STC(14.3)做返平時嘅Swing trade就可以。

以今朝出文時間10點16分，如常的用10分鐘作為睇文時間的話，則於10點26分再睇返個走勢圖，果然喺五分鐘圖上見指數落到100/150線後見企定，10分鐘後更確認指數同Slow STC(14.3)出觸底回升，(59945)唯有再等下一輪出Swing先至可以落場。

睇返今日恒指上半場情況，唔計啱啱開市之後嗰段時間的話，Slow STC(14.3)最高都只能上到大約60幾呢個位，而下方亦見100線喺11點打後算是三次守穩，「平底三角形」出現，怪不得難出倉。

再去到下半場開市之後，五分鐘圖上見保歷加通道頂至底高不過100點，同時指數由今朝大約11點10分至依家11點16分為止，都未見佢過到上中軸，睇嚟都係窄窄地運行中。

戰友們今朝開晒餬，不過今日都係以爬格仔為主，依家都係，不過正數落咗袋嘅，見指數咁悶都可能買包花生食下算啦。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰室七日免費體驗：https://www.patreon.com/join/cbbcwar