5月29日 13:15

【輪證下半Part】恒指熊走啦喂!

今朝揀咗隻恒指熊(59589)出嚟，由於見到小時圖喺10點打後都未有咩異樣，於是借返五分鐘圖出貨，安全嘅話等返五分鐘圖Slow STC(14.3) Swing返上超買先出動；進取嘅唔過10線掟佢出去。

以今朝出文時間為10點5分，如常的用10分鐘作為睇文時間的話，即於10點15分再睇返圖，見五分鐘圖上指數擺位低過10線，(59589)出到場。

同樣地用返10分鐘作為買貨時間的話，即於10點15分起計至10點25分期內掟隻(59589)，期內高低位做過0.026元/0.024元計，平均買入價為0.025元。

落場後發現指數跳返上10線之上，唔緊要，五分鐘圖同步見保歷加通道口收窄，set條上方量度線遠少少見中軸都仲可以嘅。

等咗唔係好耐，去到大約10點40分已經見指數咬完條10線，指數向下至半場完結前，仍然見到指數處於保歷加下降通道範圍。

望望鐘依家1點7分，我家老爺「休孖Day」所以今日佢煮Lunch食到我有少少眼瞓；而恒指都同我一樣有少少呆呆滯滯，指數仍然處理跌270至跌290點呢個範圍上落中。

換保歷加通道見目前通道口有出現收窄嘅清況，(59589)雖然仍然可以借中軸作量度線，但指數唔向下加上Slow STC(14.3)已經觸咗底，走貨比較安全。

作者阿珊，以技術分析專心玩輪證，唔貪心，努力賺取我家肥貓罐罐。