• 恒生指數 18028.52 306.80
  • 國企指數 6439.82 116.28
  • 上證指數 2998.14 7.30

5月24日 13:10

【輪證下半Part】周線見穿頭破腳

今朝揀咗隻恒指熊(59187),主要都係睇返指數喺小時圖上低於100線而出手。

以今朝出文時間為10點2分,如常的用10分鐘作為睇文時間,即於10點12分時再睇返個走勢圖,確認指數於小時圖上再次低走於100線以下水平,(59187)亦都可以出場。

如同平時一樣用10分鐘作為買貨時間的話,即於10點10分起計至10點20分期間出動,期內(59187)高低位做過0.069元/0.064元,平均買入價為0.0665元。

落場後喺五分鐘圖上見指數仍然向下,借牛熊證街貨圖做目標嘅話,咁最低限度都要指數踩到落到18500至18599點呢個範圍先。

去到10點35分,見指數終於失守16800點,再比多少少時間,指數確認穿過16800點,進入牛證重貨區,同時亦確認首兩層牛證街貨全數被收回,呢兩層有相當於1004張期指街貨。

然而指數未有如期地衝到落到18500點樓下,將重貨牛全線收回,喺11點5分更見指數於五分鐘圖上聯同Slow STC(14.3)兩線出觸底,(59187)爬格仔的話,呢個時侯可以起身;但如果望一望(59187)的話,當時證價同平均買入價差不多,借小時圖入市再借盡啲嘅話,咁喺小時圖未反方向過線之前,吼到位甩身而有正數嘅,其實都仲有呢個玩法嘅;反正保歷加通道喺五分鐘圖上見都收窄中,準備平時下半場會出現嘅窄幅Swing Trade啦。

另外,戰友提醒的,喺周線圖上見指數高位出「穿頭破腳」,的確係利淡嘅陰陽燭組合,但留意返下方仲有條100周線喺指數嘅下方,如果佢接得住指數嘅話,咁呢一輪回調或者有似接近尾聲嘅情況。

記得今日星期五,(59187)唔過夜就喺下半場自己搵位走啦。

作者阿珊,以技術分析專心玩輪證,唔貪心,努力賺取我家肥貓罐罐。

 

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。

信報財經新聞有限公司、香港交易所資訊服務有限公司、其控股公司及/或該等控股公司的任何附屬公司、或其資訊來源及/或其他第三方數據供應商均竭力提供準確而可靠的資料,但不能保證資料絕對無誤,且亦不會承擔因任何不準確或遺漏而引起的任何損失或損害的責任。

信報財經新聞有限公司版權所有,不得轉載。
Copyright © 2024 Hong Kong Economic Journal Company Limited. All rights reserved.