4月17日 12:54

【輪證下半Part】五分鐘圖「三角形」困住指數

見今朝恒指企唔到上16300點之後，向下插到落到失16200點，所以揀咗隻恒指熊(55213)出嚟，打算等睇指數向下再殺落去啲重貨牛度。

以今朝出文時間為10點19分，如常的用10分鐘作為睇文時間的話，則於10點29分再睇返走勢圖，見當時恒指於五分鐘圖上已經同Slow STC(14.3)一齊出咗觸底回升，15分鐘之後已經重上中軸以上，諗住等佢上到保歷加頂線/Slow STC(14.3)到超買位時，見觸頂咪出隻(55213)，做一趟Swing Trade都好嘛。點知呢，去到16282點左右無啦啦見「平頂」，而Slow STC(14.3)最多都只係見條%K線去到73就回。

「咩料呀？」咪就係佢要行「三角形」囉，你都真係無佢辦法，一係跟住佢個「三角形」做Swing，一係就等佢玩完個「三角形」再算；戰友們嘅選擇就梗係跟個「三角形」Trade啦，因為一齊喺Chat Group，一齊睇到最Update嘅拉線畫圖，唔係咩叫一齊炒？！

至於隻SPDR金ETF(02840)，截至中午收市止，單位價格報1727美，升0.82%，雖然暫見高開低走，唯日線圖上見仍然未到10線，由於目前整條休歷加通道仍然向上，Slow STC(14.3)則已經觸頂向下，整個格局其實係行緊Swing Trade走勢，所以點解想等佢回一回落去10線睇下有無支持先至再出手，就係咁解。

作者阿珊，以技術分析專心玩輪證，唔貪心，努力賺取我家肥貓罐罐。

Patreon新增內容《開市前速報》，七日免費試用：https://www.patreon.com/join/cbbcwar