3月4日 13:54

【輪證下半Part】點點皆辛苦

今朝揀咗牛熊一對出嚟，分別為恒指牛(50290)同埋恒指熊(50944)，計劃借小時圖嘅中軸線嚟出倉，同時無論出邊一邊都好，都只係小注為上。

今日出文有啲晏，睇完之後都都差唔多成11點，當時見指數於小時圖上其實已經上過中軸線，按策略好倉係應該比出，但實際上同時留意到指數亦即刻遇上50線兼「長方形」頂線位，安全的話呢啲停都係應該等指數過線之後先至再出好倉追上。

就比多少少時間等到11點，見小時圖「長方形」頂線果然再成為指數阻力，有見向下回落，但比較麻煩嘅係Slow STC(14.3)未見向下，所以注碼上除咗要細注之外，都仲要時刻望住，必要時都好似走鬼咁，即刻拎包伏走人。

假如按返策略，喺下半場返嚟見指數重新再次低走於中軸線以下，淡倉符合條件比出，即(50944)可以落場。

如常的用10分鐘作為落場時間的話，按1點至1點10分比隻(50944)，期內高低位做過0.049元/0.046元，平均買入價為0.0475元。

嚟到依家1點39分，指數跌幅有見略為擴大返少少，報16520點，跌68點，真係同種米一樣，點點皆辛苦。下望得返小時圖「長方形」底頂線約16450噩就固然最好，但以今日恒指迷中步咁走，中間拉定16500點作量度線，到步唔再穿住走淡倉都可以啦。

Anyway，今日都係數仔格仔做Trade。

作者阿珊，以技術分析專心玩輪證，唔貪心，努力賺取我家肥貓罐罐。