3月1日 14:22

【輪證下半Part】提早Happy Friday！

今朝無揀到貨出嚟，唔係因為指數太飄，而係計過同戰友一齊開出好倉的話，文章出到嚟之後應該唔係得返好多水位可以再追上去，既然係咁，再揀出嚟都只係嘥氣，於是換一換個走勢圖去睇，最後攞咗個日線圖出嚟，見指數喺今早擺位低10線樓下，而下方又有於「上升通道」中軸喎，諗住Set定架步等指數順住呢個位向下回到「上升通道」就算。

不過，出文之後見恒指憑住今朝一開市出現嘅低位「長十字星」低開後高走至見高位16651點，成盤計劃壽終正寢，咁係好正常，個市每分鐘點行點走無人知，Plan定都只係為做定兩手準備，希望機會真係留比有需要嘅人啫。

嚟到依家1點42分，五分鐘圖上見指數於100線上築即日底，但喺呢個位已經吽咗成半個鐘咁滯，唉~ ，天寒地凍，凍到字都唔想打啦，攬住我家肥貓取下暖好過。上面提過嘅Plan只係放埋一邊咋，如果一陣收市前恒指擺位低於「上升通道」中軸嘅話，叫我醒，唔該。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰室免費試用：https://www.patreon.com/join/cbbcwar