12月27日 14:59

【輪證下半Part】聽日期結+年結

的確今朝喺上晝文章度講係想Pick隻淡倉出嚟，最後都無Pick到嘅原因係見指數喺五分鐘圖上借緊10線力，最後指數借得到線嘅支持力之餘，仲將指數向上推高過今朝開市水平，半日高見16625點，而喺呢個高位同時出咗爭三點「平頂」後，指數向下稍回，及至中午收市時見指數仍然企於10線之上，不過借10線而唔出淡倉，等到依家見Slow STC(14.3)兩線都上到超買位都唔等於可以出得到，事關整條保歷加通道向上嘅同時，通道口仲見收窄，等佢拓闊返嘅話都仲要睇埋中軸守唔得得到指數。

依家1點7分，進入下半場都會預咗指數行得慢，目前五分鐘圖上見指數有一度落到去中軸水平，不過都只係見下影線啫，期後稍回但都未爬得返上10線，隨時等10分鐘有多先至會見到指數郁多少少，雖然係咁，指數仍然算是靠住高位運行，今日上半場做過嘅16625點高位喺依家嘅五分鐘圖上拉得到線頂線出嚟，仲有疑似「圓頂」走勢行得到添。

借五分鐘圖線向上運行而出好倉的話，的確唔反對；只係要留意嘅係中軸位一定要守得緊，日線圖20線16582點Keep住Mark實，如果今日收市收得到喺呢口價之上的話，咁聽日嘅期結+年結日就精彩囉。

作者阿珊，以技術分析專心玩輪證，唔貪心，努力賺取我家肥貓罐罐。

作戰室免費試用，詳見FB專頁：https://bit.ly/3uixP4Y