12月20日 14:20

【輪證下半Part】蟹形走勢

今朝聽前輩范巧YT節目，嘉賓老友Eric講出金句「萬物皆週期」，即刻Mark底寫喺薄仔度先；唔知恒指個週期幾時到呢？

今朝指數一度升逾200點，有見重上16700點樓上，第一層熊證被佢全數收回晒之後，真係無諗住第二層可以咁快收得到，事關要收埋第二層的話，同時亦意味著指數會上破日線圖嘅20線，所以今日揀隻恒指牛(63391)出嚟，都講明水位唔係好多，以小時圖中軸作為下方量度線，博指數同Slow STC(14.3)今日keep住出觸底向上。

以今朝9點52分出文起計，如常用10分鐘去睇文的話，即於10點2分再睇返恒指走勢圖，當時見指數重新回落返去16700點以下水平，不過都仲未到小時圖中軸16649點。借埋五分鐘圖睇10線有無力托住指數，以再加強肯定指數可以守住小時圖中軸的話，五分鐘後見指數失五分鐘圖嘅10線，再落更一度低見16623點，即係連小時圖嘅20線都無埋。五過，又再比多五分鐘的話，指數再次重上返小時圖20線，安全啲去到10點35分連五分鐘圖嘅10線都等到返嚟之後先至出隻(63391)，如常都係用10分鐘作為落場時間的話，期內(63391)高低位做過0.053元/0.051元，平均買入價為0.052元。

落場後指數開始用咗前日運行嘅形態，即蟹形橫行，經過五分鐘圖保歷加通道口收窄完再橫行返之後，指數擺位幾乎無乜變化，五分鐘圖上畫到嘅「長方形」仲同完成收窄後嘅保歷加通道頂至底嘅高度相約；所以喺小時圖上仍然見到指數力守中軸之上，(63391)繼續踩鋼線中。

不過臨完上半場前五分鐘圖嘅Slow STC(14.3)終於出現觸底，唔係抱太大期望，因為五分鐘圖保歷加通道口實在未見拓闊，只不過再係咁蟹形落去，或者只係一個Exit位啫。

下半場開市後見指數暫時仍然都係喺窄窄嘅保歷加通道裡面運行，午後小時圖指數仍然企於中軸之上，不過保歷加通道口重新收窄，同時見Slow STC(14.3)兩線於高位作勢出觸頂。依家1點7分，見(63391)證價報0.052元，同平均買入價一樣，唔求多，咁嘅蟹形走勢但求甩手算啦。

作者阿珊，以技術分析專心玩輪證，唔貪心，努力賺取我家肥貓罐罐。

作戰室免費試用，詳見專頁：https://bit.ly/3uixP4Y