12月18日 13:36

【輪證下半Part】12月得返7個交易日

恒指今日仍然與日線嘅中軸無緣，指數低開122點之後一度落到16600點邊皮位置，亦即同上日開市裂口頂部16610點水平相約，由嗰一個位拉出量度線後至整個上半場，都未見指數向下失線，至於上方高位喺10點15分做過半日高位16713點之後，出現一高低於一高嘅情況，「平底三角形」成立，指數去到半場收市前仍然處於16600至16650點之間，半日波幅108點，窄到媽都唔認得。

今朝亦都揀到貨出嚟，平心而論，踏入12月中開始向來都係基金s準備收爐嘅時間，或者上個星期恒指全周升458點已經完成粉飾廚窗，未來呢兩個星期，唔計今日餘下半日市，再扣減埋下個星期一同二(12月25日及26日)聖誕節及Boxing day嘅紅日，數數下原來今年得返七個交易。

下半場開市後見指數都係未太大變動，五分鐘圖嘅底線未過；而小時圖見指數喺都排排坐，似等20線上嚟，而保歷加通道口就開始有見收窄嘅情況，都係嘅，橫行咗半日佢都要有啲表示嘅。

今日策略上仍然都係睇住五分鐘圖條底線，佢今日唔過，怕且今日都無乜得嘢可以玩。

作者阿珊，以技術分析專心玩輪證，唔貪心，努力賺取我家肥貓罐罐。

作戰室免費試用，詳見專頁：https://bit.ly/3uixP4Y