11月14日 15:31

【輪證下半Part】恒指熊一小時速食 +12.94%

恒指今朝借埋噚日臨收市前嗰15分鐘衝高度力，今朝向上再升多過百點後已經無以為繼，指數向下小時圖上見第二粒燭出都低於150線，淡倉再來可揀恒揩熊(59106)，純綷貪佢高槓桿，借小時唔過150線出動。

以今朝出文時間10點25分計，如常的用10分鐘作睇文的話，則於10時35分再睇返個市，由於小時圖都未有異樣，仍然低於150線以下，於是(59106)膽大心細地出動，再如常的用10分鐘作為買入時時間，以期內(59106)高低位做過0.044元/0.041元，平均買入價為0.0425元。

落場後指數喺五分鐘圖嘅保歷加中軸都算咬得耐，終於喺11點鐘見佢向下穿過，但嗰陣時預期話佢向下穿中軸，倒不如話中軸向上穿過指數；同步再睇Slow STC(14,3)見兩線仍然向住超賣方向出發，就比多少少耐性。最後，終於喺11點10分至11點40分期間，Slow STC(14,3)兩線落到超賣至嚴重超賣範圍，(59106)喺呢度時間亦可以順利地完成一次Swing，以期內高低位做過0.05元/0.046元計，平均速食價為0.048元，呢一趟又係一小時生活圈平均撈咗5.5格或12.94%；真係好彩揀佢時槓桿夠高咋。

作者阿珊，以技術分析專心玩輪證，唔貪心，努力賺取我家肥貓罐罐。

作戰室免費試用，詳見專頁：https://bit.ly/3uixP4Y