• 恒生指數 22451.91 389.71
  • 國企指數 7573.40 116.94
  • 上證指數 3521.40 56.22

今日 11:00

輪證贏家丨準備好出年內新Day Low未?!

APEC喺一河之隔嘅深圳展開,認真都無乜留意呢單嘢,因為蔡天鳳案呢排亦都到「戲肉」,直至到今朝見到美國總統特朗普主動伸手拖住中國主席習近平嘅手手...就係咁美股跌過千點嘅同時,推低埋今日恒指一開市就比咗個年內Day low出嚟,等作戰室裏面注中線恒指Put(hold咗一個星期對我嚟講中線㗎啦)可以收割,兼且仲有時間諗吓今日Day Trade做乜好;甚至直接Happy Friday咗佢算。

恒指今日甫開市創年內新低兼殺咗首三層牛證街貨,夾埋有成二千幾張期指街貨,包埋重牛位,怕且都要彈啦掛?

呢個應該係好多揸住正股嘅人心裏面嘅問題,即使識玩輪證嘅都可能會咁問,因為事實就算識得玩輪證都好,仍然都係傾向買好倉,好簡單,純綷係因為行為金融學(Behavioral Finance)裏面所提到嘅Loss Aversion & Asymmetric Mental Accounting,「損失規避與「不對稱的心理賬戶」,一句講晒:睇唔慣。

依家10點11分,其實除咗個大裂口之外,指數日內嘅走動都同之前幾日有啲似。無過夜貨嘅戰友,Day Trade淡倉出順返大市方向做嘅話,到依家100點淡倉應該問題唔大。再追落去嘅話都只係迫小時圖同五分鐘圖Slow STC(14.3)出超賣再超賣;都真係要顧忌一下今日係第三日小時圖Slow STC(14.3)出超賣再超賣,係會有咁嘅時間但真心唔多。

先預咗指數喺稍後時間都係低位徘徊,依家10點24分都有見指數喺22400點穿與唔穿之間,睇埋恒指牛熊證街貨圖嘅話,仲有一層22300至22399點嘅707張期指牛未收,但有一關要過嘅係150週線(約22370點)。

偷埋佢嘅話就恒指熊(56318),收回價23509點,同現價有逾1100點距離,槓桿有約20.2倍,為最貼價熊證+最高槓桿中成交最活躍,今日新上市所以未有街貨。

好倉都比定啦,因為150周線都要穿嘅話呢,咁變相上面隻淡倉可以做「無腦熊」,恒指牛(68416),收回價21968點,同現價有約448點距離,約40倍槓桿為同一收回價中最高,低街貨真係好重要。

係呀,指數已經跌到要用到週線圖嘅線嚟做Day Trade嘅量度線位啦...

作者阿珊,以技術分析玩輪證,唔貪心,努力賺取我家肥貓罐罐( Φ ω Φ )。

想睇埋美日台股、金油滙幣ETF嘅玩法,請往Patreon搜尋「cbbcwar」;《傻寶不懂的技術分析》系列已於Google Books Store上架,可免費試閱。

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。

信報財經新聞有限公司、香港交易所資訊服務有限公司、其控股公司及/或該等控股公司的任何附屬公司、或其資訊來源及/或其他第三方數據供應商均竭力提供準確而可靠的資料,但不能保證資料絕對無誤,且亦不會承擔因任何不準確或遺漏而引起的任何損失或損害的責任。

建議瀏覽器: Chrome, Firefox, Safari, IE9或以上

信報財經新聞有限公司版權所有,不得轉載。
Copyright © 2026 Hong Kong Economic Journal Company Limited. All rights reserved.