• 恒生指數 23262.52 245.65
  • 國企指數 7830.46 73.91
  • 上證指數 3570.13 14.45

今日 11:03

輪證贏家丨蒙牛Call睇住10SMA嚟玩

噚日揀咗隻恒指牛(60681),同平時做Swing Trade一樣都係用五分鐘圖10線接唔接得住指數先,甚至確認企得穩於中軸線之上先至出倉,因為出文嘅時侯Slow STC(14.3)已經觸底上咗去,變相呢一注好倉如果睇文後即出嘅話,係追指數上埋去保歷加頂線嘅尾巴。

換返用Slow STC(14.3)嘅超買/超賣嚟做Swing一趟亦都可以,只不過一等就要等到下半場。

今朝恒指繼續低開,日線圖上見四個裂口出咗嚟,如果拎返之前講過嘅Gap Theory出嚟嘅話,理論上算是有條件計佢開始進入一個跌停/夠殘嘅階段,所以今日見牛熊證街貨圖,牛證啲街貨仍然都係咁人山人海,亦都無話大家企住喺某一層,分散得好平均。

嚟到依家10點12分,恒指低開低走到暫時見23343點低位之後,開始喺2335至2340呢50點間上落,作戰室衝完第一輪之後,依家靜靜地等緊第二個機會:五分鐘圖上面到底指數係企於10線,借到Slow STC(14.3)再向上;還是10線出阻力,夾住指數喺10線同保歷加底線之間運行。

等到依家10點26分都仲未見到有方向,唉,唯有向個股方向埋手。

剛好有會員問到隻蒙牛(02319),說實話上游原奶股同乳業股飛天係因為原奶價格上升。上游嘅會因為產品售價直接回升,生物資產減值減少,盈利彈性最大;至於下游嘅,雖然原料成本回升,但透過持有上游股權對沖,且市場競爭趨緩、促銷費用大減。所以兩邊都齊齊有利。

而會員提到嘅蒙牛就係屬於下游嘅,對比其餘同屬下游或上游原奶股,於輪證市場上蒙牛已經係最多選擇嘅一隻,其次叫做有輪用嘅係中國飛鶴(06186),唯後者於市場上只得五隻Call,最貼價嘅都同現價有約35.1%價外距離,出年2月到期時間上是可以接受,但太價外小心唔跟Underlying行。

去返蒙牛度睇Call(佢無牛,所以看好的話只能用Call),目前於市場上有9隻蒙牛Call,喺作戰室都有揀到一隻嘅但時間關係佢都由今朝嘅價外變咗做價內,所以再揀多次。基

於蒙牛現價已經彈升咗咁多,所以變相引伸波幅嘅問題考慮比重要放多少少,疊加時間值嘅問題之後,就要放棄少少貼價距離,最後蒙牛Call(16106),依家見引伸波幅46.4%,扣除得返一個至個半月就到期嘅「末日輪」,佢已經叫做最低,而呢隻貨行使價為26.26元,同現價有約13.2%價外距離,出年3月到期。

借小時圖嘅10線接住股價再博上去出Call唔係問題,問題係要小心日線圖依家同10天線距離太遠,股價可以再借10天線企住再出一浪高於一浪上行,不過係未出現呢個樣之前,佢回落10天線(依家22.016元)都唔係講玩笑㗎,注碼控制成本啦。

作者阿珊,以技術分析玩輪證,唔貪心,努力賺取我家肥貓罐罐( Φ ω Φ )。

想睇埋美日台股、金油滙幣ETF嘅玩法,請往Patreon搜尋「cbbcwar」;《傻寶不懂的技術分析》系列已於Google Books Store上架,可免費試閱。

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。

信報財經新聞有限公司、香港交易所資訊服務有限公司、其控股公司及/或該等控股公司的任何附屬公司、或其資訊來源及/或其他第三方數據供應商均竭力提供準確而可靠的資料,但不能保證資料絕對無誤,且亦不會承擔因任何不準確或遺漏而引起的任何損失或損害的責任。

建議瀏覽器: Chrome, Firefox, Safari, IE9或以上

信報財經新聞有限公司版權所有,不得轉載。
Copyright © 2026 Hong Kong Economic Journal Company Limited. All rights reserved.