今日 10:28
噚日揀咗隻恒指牛(64602)出嚟，諗住見出文前指數都仲可以向上慢行，但可惜上到2442x點幾次都過唔到頂線，唯有重新再喺五分鐘圖上等返SLow STC(14.3)出觸底上先至出呢注好倉。
呢幾日都開始轉涼，好怕呢啲轉天氣嘅日子，早兩個星期先至急性鼻竇炎，話就話食晒藥咗但呢款嘢要完全好番係要兩至四個星期嘅時間，我依家處於康復尾聲介段走嚟轉天氣...太乾個鼻真係會好辛苦。大家都保重啦，見字飲水呀！
噚日指數裂口低開之後唔算有好大日內波幅，今日再來多次低走，剛好串住日線圖嘅10天線，還好喺作戰室中長線個Chatroom度早兩日喺見「三角形」時揀定好濕兩隻貨，因為「三角形」= 好淡爭持嘛，到噚日再mark定多隻淡倉出嚟，今日跌200幾點先收嘅又得，Keep住去再博去返11月5日嘅開市裂口底亦得。
望望鐘依家仲有7分鐘就到10點，指數已經將頭兩層牛證全數收回，依家指數做緊24027點，跌288點，望住嘅唔止係24000至24099點呢層牛證清埋佢；更大啖嘅係23900至23999點嘅呢層重貨區
換個小時圖上見，指數今日開市價擺個位已經低於50線，Slow STC(14.3)已知係向下入到超賣位，但保 歷加通道口有見拓闊，變相比咗條件Slow STC(14.3)有條件出至超賣再超賣。
10點前有見指數最低落到去24007點，作戰室今日第一注淡倉都見戰友一係清咗先收第一注正數，一係出風箏策略嚟醫少少博24000點穿一下之後，入到重牛區就睇佢食唔食啦。
10點後有見五分鐘圖整條保歷加通道向下，指數喺24000點邊皮位有似打攻防戰，合理嘅，都係一個轉字頭嘅齊口位。
做返Day Trade咬緊少少嘅，留意五分鐘圖指數同10線擺位，依家10線仲向住指數方向但未掂到指數嘅，如果10線做到阻力推得到指數向下嚟入重貨牛的話，恒指熊(67904)，收回價24449點，槓桿有約50倍，為同一收回價中最高槓桿及最活躍。
反過來24000點防衛成功，比返Swing Trade平時嘅做法就可以睇恒指牛(62349)，收回價23650點，同現價有約370點距離，槓桿有約49倍，低街貨又偏高槓桿。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油滙幣ETF嘅玩法，請往Patreon搜尋「cbbcwar」；《傻寶不懂的技術分析》系列已於Google Books Store上架，可免費試閱。
