今日 10:22
噚日無揀到貨，主因上半場自己初段時間做錯咗方向之後，就無咗個方向，亂咗位就唔揀啦，免得害人；還好下半場好倉有出到，雖然喺作戰室未到於一注到尾(我分咗五次)，但總算叫做捉返啱個方向先。
美國中期選舉塵埃落定，隔晚美股出現了久違嘅升勢，至於今朝港股只係開升300零點，但如果計埋噚日下半場開市嗰段路嘅話，其實一啲都唔差。
嚟到依家9點45分，恒指已經開升入24500點樓上，連同噚日下半場到依家嘅升幅(以噚日中午收市23529點)計，累計升咗992點，所以作戰室即使向上再追上去，都變陣以且戰且走/風箏策略為主。
10點未到指數向上衝過埋日線圖嘅100天線，是但啦反正今日作戰室好倉注，不論是一注過還是分注追，都已經正數，之後佢高位定住唔郁嘅話都唔緊要，禾青已割。
明白見到指數升成600幾點好陌生，敢追，等緊指數高開高走完後捉轉角向下出淡倉，因為作戰室裏面都有同樣嘅情況；無壞㗎，各有各玩法。
10點後有見小時圖保歷加通道口繼續拓闊，Slow STC(14.3)都開始有條件出到超買再超買，借佢嚟再出好倉追嘅話，知道熊證街貨都被掃得七七八八，但指數目前同牛證嘅距離實在太遠，就算熊證再無貨，都無乜嘢會令到佢反方向下行跌返600幾、700幾咁追殺返啲牛。
恒指牛(61471)，收回價23437點，同現價有過1100點嘅距離，槓桿有約19.7倍，已經係現市最貼價嘅牛群之中槓桿最高，今日新上市所以未有街貨。
依家10點11分，指數定住喺2458至2462呢個範圍等緊五分鐘圖嘅10線上嚟，如果接得住嘅話先至出隻(61471)，否則熊證出安全啲都搵住24800點至25000點之間收回價啦，依家25000點收回嘅都有成50幾倍槓桿，夠做㗎啦！
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油滙幣ETF嘅玩法，請往Patreon搜尋「cbbcwar」；《傻寶不懂的技術分析》系列已於Google Books Store上架，可免費試閱。
