今日 10:46
噚日揀咗兩隻恒指牛熊，出文時大約10點半到啦，本以為指數都係吽到11點打後先有方向，誰不知出文後無耐就已經比咗個方向出嚟，雖然擺位係高於100線，按策略好倉有條件借小時圖Slow STC(14.3)向上再追上；但問題係喺2428x點出咗平頂，擋咗出好倉條路。
喺下半場開市後有見指數往返小時圖100線方向走，於大約1點10分見指數向下跌穿24306點，確認線穿得到而又無底線接，咁恒指熊有條件出到啦。
呢一注貨都有啲驚喜，去到2點打後五分鐘圖見保歷加通道口拓闊，指數向下瀡到落到24200點以下。而換小時圖上亦都有見指數向下落到50/10線位，有線接得住又可以先收正數。
放完三日假期返嚟之後，都真係唔多記得指數變成咩樣。今朝未開市之前如常喺作戰室度同戰友睇返啲街貨圖同走勢圖，執返啲記憶返嚟先。
今朝有見指數低開，作戰室先Plan同出淡倉，先追埋五分鐘圖嘅Slow STC(14.3)兩線落到超賣位，10點前戰友們淡倉都已經獲利，不過仲有淡倉在手嘅，可能就係等10點後小時圖嘅保歷加通道口有沒有拓闊，比位指數向下再落。
10點後有見小時圖保歷加通道開始慢慢趨向整條下行，而Slow STC(14.3)兩線仍然保持向下走，淡倉似乎仲有條件可以再去。
只不過返番去五分鐘圖上見指數於23908/23909點位出咗平底，線未穿作戰室都唔敢再硬推淡倉出去；反過來有準備Swing走勢睇吓做唔做得到嘅話，咁即係依家就係等五分鐘圖10線出唔出到阻力。
「咁即係要等方向啦?!」對呀！等緊方向出嘅時侯你其實係有嘢可以做嘅，就係揀定貨，因為機會係留比有準備嘅人。
恒指牛(65570)，收回23538點，同現價有約380點距離，槓桿有約46倍，依家10點20分見五分鐘圖Slow STC(14.3)觸底上咗兼過埋10線，玩五分鐘圖Swing嘅應該行呢注先。
但係，當出文之後你再睇完嘅話，如果上一段嘅觸底上行Swing行完啦，而走勢圖上仍然出緊做Swing嘅形態的話，咁有機會反方向做嘅係恒指熊(68914)，收回價24315點，同現價有近400點距離，槓桿有約53.1倍。
當小時圖未見有反應嘅時侯，唯有喺五分鐘圖玩住等啦。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油滙幣ETF嘅玩法，請往Patreon搜尋「cbbcwar」；《傻寶不懂的技術分析》系列已於Google Books Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
