今日 10:38
噚日揀咗隻恒指熊(60287)出嚟，因為出文嘅時侯都見五分鐘圖比返個Swing Teade下行嘅走勢出嚟。持貨至下半場有見Slow STC(14.3)落到超賣位，唉~ 其實五分鐘圖上睇返指數亦終於都肯向下穿過中軸線，保歷加通道亦都已經收窄咗，所以都係趁機走隻(60287)算數。
雖然噚日注貨平均少輸兩格，但都總好過之後被困住喺窄位裏面唔上唔落先啦。但呢注貨係無話過夜嘅，而如果自己揸住有過夜嘅話，今朝開市後見指數即低走應該正數收工。
作戰室今朝都快速走咁一轉淡倉，再喺9點41分畫到五分鐘圖出底線之後，說實話下一句都未打完已經有戰友做晒反手，因為喺作戰室玩得耐嘅除咗已經熟習咗個個市點行之外，仲已經慢慢建立好屬於佢哋自己一套嘅交易方法，咁就啱啦，作戰室開出嚟嘅目的就係要咁啫，唔係要邊個跟邊個，係要你自己幫自己Set up一套完全屬於你嘅交易系統，我同其他戰室只係負責喺側邊做吓啦啦隊㗎咋！
依家10點5分，小時圖上有見指數雖然出咗下影線抽返上去，不過始終都過爬唔返上小時圖嘅10/20線位；又期結日都無人話過一定要係升嘅，根本個底都同以前唔同晒，所以真係好難用以前嘅玩法。
噚日下晏又係強少嘅Youtube Channel「CK Chan 不止是投資」度睇咗隻中移動(00941)，都有講明唔係100% Buy晒佢依家日線圖嘅走勢，雖然股價仍然高走於10/20線之上，但因為長方形格局喺度，再加上保歷加通道口勁窄，一係出啲高少少槓桿嘅產品嚟做Day Trade，一係博保歷加通道口拓闊/整條保歷加通道向，咁安全起見收回價就應該要擺低多少少。
近嘅唔揀啦，免得呢頭揀完文都未出就已經轉方向，咁就當跟進番噚日喺YT Live度揀嘅中移牛(59908)，收回價74.6元，槓桿有約14.7倍，低街貨而且今日都有啲成交啦。
記住無論咩方向、咩策略、邊隻輪證都好，買貨之前第一件事係要幫自己Set好止蝕位，買貨之後嘅第一件事就係要嚴守策略。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油滙幣ETF嘅玩法，請往Patreon搜尋「cbbcwar」；《傻寶不懂的技術分析》系列已於Google Books Store上架，可免費試閱。
