今日 10:21
上個星期五見寧王(03750)企唔到喺日線圖10線，所以決定反手出隻寧德熊(59705)出嚟，借小時圖底線穿咗而出貨後，曾經平均有三格落袋但執到...最後喺下半場2點有見Slow STC(14.3)確認%K線高走返條%D線，方向開始走相反所以走勢算數。
噚日星期日同我家老爺兩個入咗海水公園度睇我都唔知算唔算叫做新但總之我無去睇過嘅爬行館，皆因有均屬於瀕危物種嘅七彩變色龍同犀牛鬣蜥，我家老爺好怕/唔太喜歡蜥蜴，再加上噚日嘅天熱(我件姊都濕完又乾，乾完再濕咁輪迴)，佢都真係冒死咁；不過就導咗佢少少鍾意咗條角蜥。當然仲有睇其他動物啦，但佢哋全部都係得到護理員嘅悉心照顧先至咁健康成長嘅(我都係我家肥貓護理員，所以我好明白照顧一隻動物嘅困難之處，更何況喺園裏面嘅唔係一般寵物呢~)，所以咪亂咁買埋走私/非法嘅動物返屋企自己養咁痴線呀；唔喜歡嘅無問題，但唔好傷害。
疊加埋噚晚嘅哈囉喂...坦白講依家9點50分我都仲未瞓醒咁，而指數今朝開市升44點之後，搭正9點半就好似啲細路衝出去睇魚咁，跑到上24700點樓上，一早喺作戰室mark住小時圖20線位，係等多一陣就知過唔過到，但我估戰友今朝追上嘅話，一早爬完格仔lu~
等到10點後有見指數剛好企於小時圖20線位，換五分鐘圖係有見保歷加通道整條向上，所以指數同SLow STC(14.3)兩線係有條件出返Swing嘅走勢，只不過安全少少嘅做法係等指數確認到底係穿定係唔穿條五分鐘圖嘅10線啫。
喺10點9分時耷低頭睇完電話個msg，再抬頭睇返個市，有見五分鐘圖上指數已經低走條10線，所以用Swing嘅做法的話，咁恒指熊(60287)，收回價25043點，同現價有約330點距離，槓桿有約65倍夠做Day Trade，以五分鐘圖向下望住啲平均線逐線逐線向下打落去，以SLow STC(14.3)落到超賣或指數到保歷加底線為目標先啦。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油滙幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。
