今日 10:51
噚日揀咗隻恒指牛(58126)出嚟，借五分鐘圖10/20線踩得住先至好衝出去；或者借SLow STC(14.3)觸底上行先至出動，而同時呢注好倉一出就係等同向10天線宣戰，所以點都要推指數上過10天線以上水平先至收手。
由於有兩個唔同嘅入貨位喺噚日都係可以成功出到貨嘅，不過結果就好唔同；anyway，符合出場條件嘅都會mark喺【月度報告】裏面，而呢一注就會以兩個唔同入貨位嘅結果拉個平均數嚟入賬啦。
今朝指數高開後都有喺作戰室Mark住小心開市後見低走，所以喺作戰室今日第一注都係行淡倉先，去到見指數喺五分鐘圖上借得到10線坐返上去先至換好倉，向返住近熊街貨方向出發。
依家10點半，小時圖上有見指數目前借住100線再向上到150線，第二注好倉亦都喺呢個收工。
其實今日小時圖見Slow STC(14.3)觸頂向下，但保歷加通道口都仲拓闊，150線前上影線出現，向下落又有100線接住，而兩線差距有176點，都做夠Swing。
先捉返淡倉向下走的話都唔好企得太近，恒指熊(55159)，收回價25568點，同現價有約380點距離，槓桿有約57.2倍，低街貨，做Day Trade不錯呀。
借埋個五分鐘圖做觸頂向下嘅話，安全啲就10線確認失守時出動，先借五分鐘圖Slow STC(14.3)落返去超賣位，到時再睇返恒指嘅點數落唔落到小時圖嘅100線啦。
再次感謝老友強少比我踩佢個新嘅Youtube Channel：CK Chan不止是投資，明日同星期五都會再踩場多一次，跟住應該10月10日喺佢嘅投資講座度幫手帶吓位同執吓杯咁，有興趣去講座嘅朋友可以上返佢嘅Youtube Channel度報名啦！條Link就係喺我哋噚日條片嘅留言位度，咁順便睇埋條片啦，唔該。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。
