今日 10:52

輪證贏家丨今日試吓悶市中出牛

噚日見指數向下就揀咗隻恒指熊(55057)出嚟，睇吓指數會唔會向下衝埋24800至24899點呢一層。

用返平時借五分鐘圖Slow STC(14.3)見觸頂向下而出倉嘅話，等到下半場2點5分，終於等到Slow STC(14.3)兩線上到超買位，再於3點25分見確認得到Slow STC(14.3)兩線出觸頂向下，離開超賣位，(55057)有條件出場，但要知道呢個咁嘅鐘數落場嘅話，好大機會係要過夜，咁就睇返你自己平時會唔會揸貨過夜嚟決定出幾大注啦。

如果唔過夜嘅，(55057)大約平手離場；但如果選擇過夜嘅，咁今朝個口笑到同個大裂口低開嘅幅度差唔多。(【月度報告】會將兩個唔同走貨嘅時間，計個平均值出嚟入賬)

今朝未開市之前如常喺作戰室先睇咗個牛熊證街貨圖，除咗噚日見嘅248過千張期指街貨仲有喺度之外，245已經儲到變成新一層重牛位，今朝指數開市後向下低衝100點有多，真係入到245㗎，不過之後又抽返上去，作戰室今朝即市第一注都有mark淡倉追出去諗住向下殺埋245全層㗎，但可惜又唔食，唯有同Slow STC(14.3)一齊做返好倉觸底上，補返第一注淡倉嘅失誤。

及至依家10點16分，小時圖上見指數真係同噚日copy and paste，都係開市後首半小時出啲「十字星」或「陀螺」物體之後就定係喺度...

噚日擺定隻淡倉要等到下半場最後一個鐘先至出到，不如今日試吓恒指牛(61166)，收回價24300點，同現價有約384噩距離，槓桿有約52.5倍，為同一收回價中最高槓桿，街貨亦低。

安全嘅等下五分鐘圖企穩10線上面先至出啦。

作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。

想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。