今日 10:32
噚日揀隻恒指熊(64182)出嚟諗住做Day Trade嘅，已經拎埋個五分鐘圖出嚟做，但就見大部份時間Slow STC(14.3)都處於超買位，到離開超賣位嘅時侯已經係3點打後嘅事；走勢圖上仲一直keep住處於保歷加上升通道裏面添，方向唔順亦都唔硬出倉，除非係臨收市前嗰一個鐘見五分鐘圖Slow STC(14.3)向下，確認離開超買位而出注，但呢一注出嘅話就會變成係過夜注，策略唔同就要用唔同條款嘅證，好彩噚日都有揀到隻適合做過夜嘅恒指熊(57633)出嚟。
「但噚日隻(57633)唔係用周線圖嚟做㗎咩?!」當然你仍然可以用呢隻配周線圖嚟做Trade啦，個分別只係在於噚日出咗貨之後，你今日見到指數低開，再到依家9點52分，指數跌幅擴大至跌200幾點，五分鐘圖嘅Slow STC(14.3)準備到超賣位，你食唔食啫。(一如以往喺文中嘅策略以Swing Trade為主，所以(57633)會以Swing Trade方法去完成並記錄於【月度報告】裏面。)
至於作戰室方面，今朝同樣地都係Plan住順U盤方向出淡倉，但都係稍等咗指數行完頭兩粒燭之後，於五分鐘圖50線前出「射擊之星」再向下推到燭身變肥之後先掟出淡倉，再到依家10點3分，指數再落到第一層牛證街貨，作戰室注淡倉再hold定再追就隨得大家啦。
依家10點11分，見小時圖Slow STC(14.3)兩線保持向下，同時保歷加通道口有見拓闊，知道五分鐘圖Slow STC(14.3)已經行緊超賣再超賣，所以指數都有機會喺稍後嘅時間出觸底上。
如果係咁嘅話，咁可以考慮先將隻(57633)收割(前題是不借周線圖Trade，變陣見好就收)，再揀定隻恒指牛(67444)嚟捉日內Swing Trade。
(67444)嘅收回價喺24900點，同現價有約400點距離，槓桿有約50.7倍，為同一收回價及同一高槓桿中，屬低換股比率及低街貨。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。版權所有。
