今日 10:38
噚日揀咗隻恒指熊(61516)出嚟，見10點打後指數確認低走於小時圖中軸線而出倉嘅話，嘿~ 成個下半場都有見指數受制於線下，都真係有條件將佢過埋夜，博第二日指數繼續低走於小時圖中軸。
慶幸今早開市指數低開155點，開市報25410點後，注過夜熊都不宜再留，事關指數甫開市見低開高走，作戰室今日即市亦都以好倉出動。
及至依家10點16分，作戰室嘅好倉應該都收得八八九九，因為喺五分鐘圖上見Slow STC(14.3)兩線都上到超買位。通常作戰室第一主爬格仔嘅目標位就係用Slow STC(14.3)做第一個量度指標，到步到再hold或者全清就自己決定，因為點都已經有正數格仔落袋。
依家10點28分，指數低開高走到負變正數，同時上到255至256交界位有見出現爭持情況，開個小時圖出嚟就見到指數低開高走後又爬返上去中軸線，好似copy返噚日10點打後嘅走勢咁。
睇嚟呢個情況戰友們都可以先返番去工作崗位度先，因為大家都要等睇指數倒底企唔企得返上去中軸線以上嘅位置。
問我會睇邊一個方向先嘅話...我都係會選擇中立，因為如果心態上已經偏定咗一個方向嘅，已有既定立場下所睇到嘅技術分析係會係偏差㗎。
等下啦。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
Patreon新出為期四篇嘅《短期課程》已經全數上載啦，文章教你最基本嘅技術分析同點樣拉線畫圖，學識自己睇走勢圖，幫自己搵支持/阻力/買入/賣出位，詳情請往Patreon搜尋「cbbcwar」。
